Pesë nxënës të shkollës 9-vjeçare “Eftali Koçi” në Durrës, dyshohet të jenë helmuar menjëherë pas konsumimit të produkteve të ndryshme të blera jashtë rrethimit të shkollës.
Ngjarja ndodhi mesditën e së hënës, nxënësit e moshës 11 dhe 12 vjeç, u derguan në urgjencën e spitalit të Durrësit, me shenja helmimi.
Pasi morën ndihmën e parë mjekësore, ata janë kthyer në banesat e tyre, në gjendje të mirë shëndetësore.
Për rastin është njoftuar policia, e cila ka nisur hetimet.
Ndërkohë edhe AKU-ja ka ngritur një grup pune me specialist, të cilët kanë marrë mostra, te kioskat, ku shiten byrekë dhe ushqime të shpejta, për të zbuluar shkakun e helmimit të nxënësve./abcnews.al
