Duka: Braçe tifoz i sëmurë, Tirana e humbet titullin nëse ka nisur festën

23:18 | 09/03/202023:180

Armand Duka ka prekur tema të ndryshme në emisionin “Pressing” në ABC News. Në fillim një replikë me Erion Braçen, më pas një koment për arbitrat, gjykimin, policinë dhe titullin kampion.

Nuk m’u duk aq i ashpër, m’u duk një njeri që kundërshtoi veten. Ka edhe një batutë, por Braçe ka bërë zero, asnjë gjë. Nuk ka asnjë lloj kontributi nga karrigia e kryeministrit. Stadiumi është ndërtuar nga fondet tona dhe një kompani private. Ai është një tifoz i sëmurë, një njeri që nuk ka asnjë vlerë sportive. Ka vlerë vetëm me faktin që është tifoz. Nuk mund të humbim kohën tonë me ato që thotë.

Investimet për arbitrat? Janë justifikuar investimet, niveli i gjykimit është i barabartë me nivelin e futbollit në Shqipëri. Mund të merrni kasetat dhe do të shihni dallim të madh me vitet e kaluara. Deri para tre vitesh, asnjë nuk e dinte se si bëhesh arbitër në Shqipëri. Tani ka disa kritere që tregojnë procesin e mirëpërcaktuar për të pasur arbitra dhe arbitrim sa më të mirë.

Mungesa e policisë? Duhet të mësohemi të organizojmë garat vetë. Duhet të vetërregullohemi, nuk mund të vijë policia në çdo garë. Është përgjegjësia e të gjithëve. Sektori i garave duhet të marrë masat për kushtet e arbitrave dhe skuadrës mike. Delegati duhet të jetë korrekt, të kërkojë zbatimin e tyre dhe të raportojë. Nuk duhet t’i kemi policët te ndeshjet e fëmijëve. Ne i bëjmë, organet tona duhet të jenë korrektë dhe të merren masa dhe dënime për të mos ndodhur më parë.

Kampionati? Uroj që ta vazhdojmë kampionatin. Nuk e dimë fiks se kur do përfundojë, shpresoj të mbyllet në kohën e duhur dhe me tifozë. Tirana është 9 pikë para Kukësit, Laçi është i treti, Skënderbeu është ngjitur në vend të katërt. 9 pikë janë shumë, por janë dhe nuk janë shumë.

Një ndeshje direkte e ngushton diferencën, ky kampionat ka treguar që asnjë ndeshje nuk është e sigurt. Patjetër që Tirana është më favorite. Varet si do e menaxhojë situatën. Nëse ka filluar të festojë, mund ta humbasë kampionatin, nëse nuk kanë filluar festën, mund ta fitojnë kampionatin“, deklaron Duka. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono