Sipas MeteoAlb, vendi ynë, mbetet nën dominimin e moti të kthjellët dhe temperaturave të larta përgjate gjithë 24-orëshit. Kjo situate meteorologjike do të vijojë deri në orët e vona të pasdites kur pritet kalim i vranësirave në zonat malore duke sjellë rrebeshe shiu në veri-verilindje të vendit.
Temperaturat e ajrit do të ulen lehtë në mëngjes por rriten në mesditë duke luhatur vlerat ditore nga 10°C deri në 32°C. Era do të fryjë me shpejtesi 35 – 40 km/h nga drejtimi Jugor duke krijuar në brigjet detare dallgëzim 3 – 4 ballë.
Republika e Kosovës
Deri në mesditë do të jetë në mbizotërimin e motit të qëndrueshëm ku kthjellimet do të jenë dominante por orët e pasdites do të sjellin kalime vranësirash nëpër territor, duke krijuar mundësi për reshje të izoluara në veri të Kosovës.
Maqedonia e Veriut
Pjesa e parë e ditës në MV do të paraqitet nën dominimim e motit të kthjellët, ndërsa pasditja do të sjellë vranësira të shpeshta si edhe shira të përkohshëm në zonat kufitare me Shqipërinë.. Orët e mbrëmjes do të sjellin sërish përmirësim të kushteve atmosferik duke ri-sjellë kthjellimet në territorin e MV.
Kontinentit Europian
Në pjesën më të madhe të tij paraqitet nën dominimin e motit te qëndrueshëm ku kthjellimet dhe temperatura e ajrit do të rriten ndjeshëm. Ndërsa me vranësira të shpeshta të cilat do të gjenerojne rrebeshe shiu si edhe breshëri, do të jenë ishujt britanikë, pjesërisht Evropa Qendore dhe rajoni i Baltikut. /abcnews.al/
