Loading ...
Një prej avokatëve të njohur në Shqipëri, Dorian Matlija, deklaron publikisht se është distancuar nga protesta e bulevardit.
Në renditjen e arsyeve të tij, Matlija argumenton se nuk pranon dhunën e ushtruar në protestat e fundit, kërkesat politike dhe, mbi të gjitha, grupin e vetëshpallur organizator të protestës.
Postimi i avokatit është përshëndetur nga kryeministri Rama si një hap në drejtimin e duhur.
Sërish, Rama u ka bërë thirrje protestuesve të vërtetë të ulen në dialog me qeverinë për kërkesat e tyre ambientaliste lidhur me projektin e Zvërnecit, zonat e mbrojtura dhe çështje të tjera, ndërsa garantoi se qeveria nuk do të shpërqendrohet për asnjë moment dhe për asnjë arsye nga misioni historik për anëtarësimin e Shqipërisë në BE deri në vitin 2030.
