Ndërkohë që gjatë 24 orëve të fundit, 6 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 283, në dy spitalet COVID vijon beteja për shërimin e të shtruarve.
LEXO : Shkon në 539 numri total i të prekurve nga koronavirusi, Laçi i shtohet hartës “COVID”
Sipas Ministrisë së shëndetësisë në dy spitalet COVID aktualisht po marrin shërbim 43 pacientë.
Në spitalin infektiv aktualisht janë 35 të shtruar ku 7 pacientë ndodhen në terapi intensive.
Më shqetësuese paraqitet situata në spitalin COVID 2 “Shefqet Ndroqi”, në të cilin ndodhen 8 pacientë të shtruar, ku 4 prej tyre, janë në gjendje të rënduar shëndetësore.
Ata ndodhen në reanimacion të intubuar.
Ndërkohë Harta e të prekurve nga COVID-19 është zgjeruar dhe është shtrirë edhe në Kurbin, është zgjeruar në Tiranë, Shkodër dhe Krujë.
Kështu Shqipëria ka shënuar 539 persona të invektuar me koronavirus, ku vetën 24 orët e fundit janë konfirmuar 21 persona.
Rritet numri i të shëruarve: Sa e fituan betejën me Covid-19 në 24 orët e fundit në Shqipëri
/abcnews.al
