Dy shtëpi u përfshinë nga flakët mëngjesin e sotëm në qytetin e Korçës. Ngjarja ndodhi në lagjen nr. 12 të qytetit. Nuk pati të lënduar nga flakët, por vetëm dëme materiale.
Njëra prej banesave u shkrumbua plotësisht, por edhe tjetra që ishte ngjitur pësoi dëme të shumta materiale. Në shtëpinë që u dogj plotësisht nuk ka pasur njerëz brenda, kurse familjaret e shtëpisë tjetër dolën në kohë pa pësuar lëndime.
Zjarrfikësve iu desh shumë kohë për të vënë në kontroll flakët që po përhapeshin me shpejtësi. Në ngjarje shkoi edhe policia e cila po heton për zbardhjen e shkaqeve të zjarrit./ABC News Albania 24/7
