Sipas një studimi, njerëzit ndihen të përgjumur 5-7 ditë të javës, për shkak të mosfjetjes së mirë. Fjetja ka përfitimet e veta, nga mbajtja në humor dhe rritja e produktivitetit deri te fuqizimi i zemrës.
Siç mund ta shikoni, gjumi jo i plotë ndikon negativisht në shëndetin tonë fizik dhe mendor. Më poshtë abcnews.al do ju tregojë se çfarë ndodh me trupin kur e privoni veten nga gjumi.
1. Mund të çojë në “microsleeps”
Një efekt shumë real dhe potencialisht i rrezikshëm i privimit të gjumit është i ashtuquajturi “gjumë i vogël”. Kjo ka të bëjë me një dremitje të pavullnetshme që mund të ndodhë rastësisht, edhe gjatë një detyre apo aktiviteti të rëndësishëm. Mund të ndodhë në shkollë, në punë, apo në makinë. Siç shihet, pasojat mund të jenë të rënda.
2. Lëkura juaj mund të plaket
Mungesa e gjumit prodhon kortizol, i cili mund të shpërbëjë kolagjenin, proteinën që mban lëkurë tonë të re. Sipas studimeve, personat që flenë mirë kanë shanse më të ulëta plakjeje sesa ata që flenë keq, informon abcnews.al.
3. Ndikon negativisht në emocionet tona
Sipas profesorit David Dinges, privimi i gjumit mund të ketë efekte të ndryshme negative emocionale tek një person. Mungesa e gjumit na bën të çuditshëm dhe nervoz. Pra, është e vështirë të tregohet nëse dikush është i lumtur. Sepse qoftë në fytyrën tonë apo të dikujt tjetër, një shprehje pozitive mund të duket neutrale ndaj personit mesatar të privuar nga gjumi.
4. Mund të çojë në halucinacione dhe psikozë
Ndenja pa gjumë për periudha të gjata kohore mund të prodhojë një sërë përvojash, duke përfshirë shtrembërimet perceptuese dhe halucinacionet. Simptomat psikotike zhvillohen aq më shumë të rrimë zgjuar. Ato mund të variojnë nga keqkuptime të thjeshta vizive deri te halucinacione dhe iluzione dhe mund të përfundojnë në një gjendje që i ngjan psikozës akute. Kjo mund të zgjidhet duke fjetur mjaftueshëm, informon abcnews.al.
5. Mund të dëmtoni trurin
Efektet afatgjata të privimit të gjumit janë të vështira për t’u studiuar te njerëzit për arsye etike, por mungesa e gjumit ka qenë e lidhur me skizofreninë dhe çmendurinë. Jo vetëm kaq, por sipas këtij studimi, mungesa e gjumit mund të zvogëlojë trurin. Gjumi i shëndetshëm është thelbësor për të pasur një tru që funksionon mirë.
6. Mund të bëjë që të shtoni peshë
Një studim që u krye nga mjekët në Universitetin e Çikagos konfirmoi se ekziston një lidhje midis një oreksi të rritur dhe mungesës së gjumit. Ata zbuluan se kur privoheshin nga gjumi, njerëzit konsumonin më shumë ushqim të shpejtë. Një nga studiuesit, Dr. Hanlon, shpjegoi se nëse keni fjetur mjaftueshëm, mund të kontrolloni më mirë urinë tuaj, veçanërisht kur shihni ushqim jo të shëndetshëm./e.b-abcnews.al
