Algologu dhe anestezisti Apostol Vaso ishte i ftuar këtë të premte në emisionin “Provokacija”. Ai tregoi në ABC News përballë gazetarit Mustafa Nano se çfarë është dhimbja fantome, një dhimbje që prek ato persona që kanë gjymtyrë të prera ose organe të hequra. Sipas Vasos, këta individë ndiejnë dhimbje shumë të forta.
“Fantazma është jo që mbizotëron jo si fjalë, por si koncept te dhimbja e këmbës së prerë. Që të shpjegohemi. Ajo është konsideruar një mister trajtimi i saj. Është shkencë e pastër neuro-biologjike. Trajtimi i dhimbjes së këmbës që nuk është. Domethënë dhemb këmba që mungon dhe ndihet sikur është këmba që mungon në 80 përqind të atyre që kanë këmbën e prerë, ose gjymtyrën e prerë. Biles edhe atyre që heqin ndonjë organ. Gjiri, zemra, në fakt kur ndërrohen kanë sensacion fantom. Nuk përjashtohet të kenë edhe dhimbje fantom. Është dhimbje që ekziston, por që nuk e perceptojmë ne. E percepton i sëmuri, por jo ne. Këtu qëndron gjithë çështja. Është dhimbja klasike. Nëse fillon mëson dhimbjen fillon mëson dy lloje dhimbjesh. Është neurobiologji e pastër. Është fusha ku shikohet nga një derë që sapo është hapur. Është e vjetër sa vetë jeta. Dhimbja fantom nuk është një dhimbje që ti e shikon, dhe nuk bën dot lidhjen e asaj që i sëmuri thotë dhe ndien me atë që ti shikon. Ne jemi mësuar që dhimbjen ta shikojmë pjesë të një organi. Është dhimbje shumë e fortë. I sëmuri ndjen dhimbjen e gishtave që nuk i ka. Ose ndjen shtrëngim, ose si tel”, tha Vaso.
Ky përfundimi i Vasos ka ardhur si rezultat i një studimi me doktorë të tjerë të huaj. Ai theksoi më parë se më përpara mendohej se kjo çështje shikohej si problem në tru. Mirëpo pas hulumtimeve, Vaso ka treguar se ka gjetur vendin, i cili shkakton dhimbjen fantom.
“E vërteta vjen nga ai që ndien jo nga ai që e shikon. Studimi jonë është rezultati i parë në botë. Për herë të parë në historinë e mjekësisë botërore moderne që është marrë një rezultat, sepse kujtohej që është problem i një ngatërrese në tru. Në tru janë qendrat që reflektohen pjesët tona të trupit. Nëse ne presim këmbën, zona përgjegjëse në tru zvogëlohet dhe pushtohet nga zonja tjetër fqinje. Nëse ti kishte krahun e prerë, zona e buzës ishte fqinje me të, dhe ti kur kruaje buzën të dhimbte dora. Hipoteza nuk është e imja, por e një Nobelisti të quajtur Patrik Uoll. Patriku është në fakt pasuesi i saj.
Ne e përjashtuam trurin nga dhimbja fantom dhe gjetëm vendin, i cili sot akuzohet se është shkaktari për këtë dhimbje në periferi. Ai është një vend sa del nga palca e kurrizit siç del nervi. Sot janë bërë dhe neurostimulatorë, të cilët shiten dhjetë mijë dollarë për këtë histori dhe dhimbja eliminohet në 100% të rasteve”, tha doktori./abcnews.al
