Bllokohet përkohësisht urdhri i Trump për ndalimin e TikTok

schedule09:22 - 28 Shtator, 2020

schedule 09:22 - 28 Shtator, 2020

Një gjykatës federal në Uashington ka blllokuar përkohësisht urdhërin e administratës së Trump që ndalon Apple dhe Google të ofrojnë aplikacionin TikTok. Gjykatësi dha një urdhër paraprak të kërkuar nga pronari i TikTok ByteDance, për të lejuar që aplikacioni të mbetet i disponueshëm në dyqanet e aplikacioneve amerikane.

TikTok tha në një deklaratë: “Ne jemi të kënaqur që gjykata ra dakord me argumentet tona ligjore dhe lëshoi ​​një urdhër ndalimi për zbatimin e ndalimit të aplikacionit TikTok. Ne do të vazhdojmë të mbrojmë të drejtat tona për të mirën e komunitetit dhe punonjësve tanë. ”

Megjithatë, gjykata nuk bllokoi një ndalim më të gjerë që pritet të hyjë në fuqi më 12 Nëntor, i cili në mënyrë efektive mund ta bëjë TikTok të papërdorshëm. Kompania gjithashtu tha se ndalimi ishte i panevojshëm sepse negociatat tashmë janë duke u zhvilluar për të ristrukturuar pronësinë e TikTok për të adresuar çështjet e sigurisë kombëtare të ngritura nga administrata. xh.d/abcnews.al