Berisha nga Korça: Regjimi aktual më anti-shqiptari që ka qeverisur vendin që prej komunizmit

schedule18:47 - 19 Maj, 2022

schedule 18:47 - 19 Maj, 2022

Ish-kryeministri Sali Berisha, i cili kandidon për kryetar të Partisë Demokratike ka sulmuar sërish nga Korça qeverinë e vendit tonë.

Berisha thotë se regjimi aktual në vendin tonë është autokratik dhe më anti-shqiptari që ka pasur vendi ynë që prej regjimit komunist të Enver Hoxhës.

“Regjimi aktual autokratik, regjimi më antishqiptar që ka qeverisur këtë vend pas regjimit të Enver Hoxhës.

Sot ne nuk jemi të pushtuar nga një fuqi e huaj, sot kemi një regjim i cili për qendrimet që mban ndaj qytetarëve tejkalon edhe pushtuesit më të këqinj. Një regjim i cili për interesa të tij nuk bën dallimin midis çështjes civile dhe penale. Arreston 38 mijë shqiptarë në një vit për drita dhe ujë. Rama e di që frika është rruga për të kontrolluar shoqërinë.

Unë kthehem para 8 viteve, 7 vite më parë me dhjetëra demokratë nga jugu më dërgonin mesazhe mbi terrorin që ushtrohej mbi ta dhe diferencimin politik që bëhej ndaj tyre.

Lexo edhe: Berisha nga Korça: Regjimi aktual më anti-shqiptari që ka qeverisur këtë vend që prej komunizmit

Kjo për shkak të inaktivitet të PD-së që duhet të ngrihej  dhëmb për dhëmb. Ne jemi opozitë e vërtetë, nuk jemi opozitë fasadë.

Në mandatin e parë Rama zëvendësoi shtetin ligjor me narkoshtetin.  Vidheshin të gjitha dosjet sekrete të bandave kriminele. Aeroportet e vendeve përdoreshin për narkoflotën. Dot kokaina njëra pas tjetrës në Durrës janë bërë  të përjavshme. Zevëndësoi shtetin ligjor me narkoshtetin.

Në mandatin e dytë korruptoi drejtimin e opozitës, e lidhi në afera dhe e shtroi në një fasadë opozitë.  Tani po shkatërron kombin e identitetin e tij”, tha Berisha nga Korça.

Takimi i Berishës me demokratët e Korçës u zhvillua sot në kuadër të  turit elektoral të Sali  Berishës, i cili  kandidon për kreun e Partisë Demokratike.

Kjo është dita e shtatë e turit elektoral të Sali Berishës.

Zgjedhjet për kreun e PD-së  do të zhvillohen më 22 maj, ndërsa përballë Sali Berishës është kandidati Ibsen Elezi.

/abcnews.al/