Berat Gjimshiti pati një paraqitje të shkëlqyer këtë të shtunë në Serinë A italiane. Kapiteni i kombëtares shqiptare shënoi gol për ekipin e tij, Atalanta, që barazoi 1-1 në shtëpi ndaj Torinos.
Mbrojtësi 31-vjeçar realizoi në minutën e 35-të duke e kaluar Atalantën në avantazh, dhe ishte më I miri në fushë për vendasit.
Gjimshiti fitoi thuajse të gjithë duelet, në tokë dhe në ajër, dhe tregoi se është kthyer në formë shumë të mirë pas dëmtimit.
Nota e tij ishte 8.1, më e larta tek bergamaskët, duke u lënë pas vetëm nga portieri I Torinos, Milinkoviç-Saviç, që bëri disa pritje shpëtuese.
Ky ishte goli I parë I Gjimshitit në Serinë A pas rreth dy vitesh e gjysmë, ndërsa në total ka 5 rrjeta dhe 9 asistë në elitën e futbollit italian.
Këtë sezon, kishte realizuar më parë në Ligën e Kampionëvë në ndeshjen në grup ndaj Shahtarit të Donjeckut.
Në moshën 31-vjeçare, shqiptari nga Lugina e Preshevës, po tregon se mbetet lojtar I denjë I elitës italiane, ku ka luajtur 237 ndeshje.
Në një karrierë tashmë të gjatë, të nisur që në 2009, ai ka luajtur gati 600 ndeshje për ekipet e klubeve dhe kombëtaren shqiptare, ka realizuar plot 23 gola dhe ka shërbyer 14 asiste.
