Pas përfundimit protestës së 11 majit, lideri demokrat paralamëroi një protesë për ditën e sotme para Drejtorisë së Policisë Tiranë. Lideri i Opozitës tha se junta ushtarake e instaluar nga kryeministri Edi Rama e ka kohën të numëruar.
Të dielën e nisi me një vizitë në spitalin e traumës, ku ka kalar natën pas dhunës së policisë sekretari i tij organizativ Sahit Dollapi. Iu bashkua protestës tek drejtoria e policisë Tiranë, duke dënuar dhunën e policisë ndaj protestuesve, përfshi shoqërimet e arrestimet. Foli për juntë ushtarake të instaluar nga një kryeministër që i ka ditën e numëruara.
I bëri thirrje të gjithëve për pjesëmarrje në protestën e të hënës dhe tha se populli do t’i përgjigjet pushtetit të dhunës në mënyrë proporcionale, e se shqiptarët do fitojnë ndaj këtij sistemi që i varfëron.
U kujdes të përsëriste se protesta e opozitës, nuk është betejë për karrige, por për të ardhmen e vendit, e beteja do vijojë me vendosmëri dhe bashkim e pjesëmarrje deri në fitore./ABC News Albania 24/7
