Banorët kundërshtojnë projektin e shëtitores Lungomare-Tunel-Radhimë, ndërpritet mbledhja

schedule18:10 - 10 Janar, 2020

schedule 18:10 - 10 Janar, 2020

Prezantimi i projektit “Lungomare 2”, nga zona e tunelit në Radhimë është shoqëruar me tensione mes banorëve,  bashkisë dhe përfaqësuesve të fondit shqiptar të zhvillimit.

Takimi nisi mes polemikave, pasi banorët e zonës janë njoftuar 15 minuta me vonesë për nisjen e prezantimit të projektit. Ata tregojnë se në kohën që në sallë prezantohej  projekti ata prisnin poshtë ndërtesës. Kaq ka mjaftuar që banorët të lënë mbledhjen.

Përfaqësuesi ligjor i banorëve të cilët preken nga projekti i Lungomares, ka thënë nuk mund të prezantohet një projekt për zhvillimit të zonës, ndërkohë që mungojnë banorët.

“Këto veprime cënojnë rëndë interesat të banorëve të zonës, të cilët kanë ndërtyuar në tokat e tyre”, shprehet avokati.

Avokat Cakrani shpreht se banorët kërkojnë është të jenë pjesë e dëgjesave publike.

“Të respektohet ligji dhe banorët të jenë pjesë e këtij plani. Me një marrëveshje të përbashkët, të krijohet një situatë që të jetë e kënaqshme për të gjithë”, thotë avokati.

Mbledhja për prezantimin e projektit për realizimin e fazës së dytë të Lungomares nga zona e tunelit deri në Rradhimë nuk arriti të përfundoj pasi banorët kundërshtuan zhvillimin e saj./abcnews.al