Marrëdhëniet tensionuese midis Greqisë dhe Turqisë janë përshkallëzuar që prej provokimeve të mërkurës së 27 prillit, me avionët turk që fluturuan mbi qiellin grek duke shkelur kështu vijat ajrore në të paktën 20 ishuj.
Për këtë arsye Ministria e Mbrojtjes në Greqi ka aktivizuar gatishmërinë duke aktivizuar sistemet kundërajrore në ishujt e Egjeut.
Lexo edhe: Athina i përgjigjet “provokimeve” turke , përjashton Ankaranë nga stërvitja e NATO-s “Tiger Meet”
Me urdhër të ministrit të Jashtëm Nikos Dendias, Sekretari i Përgjithshëm i Ministrisë Themistoklis Demiris zhvilloi pasditen e së enjtes një notë protestë ndaj ambasadorit turk për numrin e paprecedentë të shkeljeve të hapësirës ajrore greke.
Sekretari i Përgjithshëm theksoi se sjellja e vazhdueshme provokuese dhe delikuente turke, që cenon sovranitetin grek, është plotësisht e dënueshme dhe e papranueshme.
Lexo edhe:Tensione në Egje, Turqia “breshëri” fluturimesh në 6 ishuj grekë
Ndërkohë ditën e djeshme Athina zyrtare anuloi ftesën që Greqia i kishte bërë forcave ajrore turke për të marrë pjesë në stërvitjen e NATO-s “Tiger Meet”./abcnews.al/
