Pak ditë më parë, diva e muzikës shqiptare Aurela Gaçe paralajmëroi një surprizë për fansat. Erdhi momenti dhe ajo i la të gjithë pa fjalë. Ka vetëm pak orë që Aurela ka lançuar hitin e verës me titull “Lento Lento ”.
Ky projekt i ri muzikor vjen plot me ritëm e ngjyra e shoqëruar edhe me videoklip, i cili është punuar nga Max Production.
Ndërsa për tekstin e këngës është kujdesur Endrit Mumajesi (Muma) dhe muzikën e ka bërë Enis Mullaj.
Klipi i kësaj kënge është xhiruar në qendrën historike në Vlorë, “Lagjia Muradie”, kurse këngëtarja edhe kësaj here shfaqet më në formë se kurrë.
Fansat e kanë pëlqyer shumë melodinë e këngës sa kanë filluar ta dëgjojnë kudo, nga makinat deri te lokalet e ndyshme./abcnews.al
