Loading ...
Një nga ndihmësit e Shtëpisë së Bardhë që punon më afër Presidentit Donald Trump ka rezultuar pozitiv për koronavirus. Lajmin e konfirmoi një zyrtar i Shtëpisë së Bardhë për CNN.
Nicholas Luna, asistent i Presidentit, ka si detyrë kryesore që të shoqërojë Presidentin gjatë gjithë ditës dhe natës.
Kjo lloj detyre ka bërë që ai të jetë shumë afër me Trump, i cili njoftoi mëngjesin e së premtes se ai dhe zonja e parë Melania Trump kishin rezultuar pozitivë për koronavirusin./
Detyrat e Luna variojnë nga trajtimi i letrave të presidentit dhe teksteve të fjalimeve deri te të qenit i gatshëm për gjithçka, nga librat e informimit te stilolapsat për autografët.
Bloomberg ishte i pari që raportoi testin pozitiv të Luna-s ndërsa Shtëpia e Bardhë nuk dha asnjë koment. s.b/abcnews.al/
