Loading ...
Dihet që teknologjia ka sjellë një revolucion të vërtetë edhe në futboll, por ajo që ndodhi në finalen e Kupës së Holandës, mes AZ Alkmarr dhe NEC Nijmengen ishte me të vërtetë e pazakontë.
Në minutën e 76-të, kur rezultati ishte 3-1 në favor të Alkmaar, arbitri Danny Makkelie ndërpreu ndeshjen për t’iu përgjigjur një telefonate…
Habia ishte e madhe te tifozët në stadium dhe të gjitha ata që ndiqnin sfidën nga televizori, teksa arbitri mbylli telefonatën dhe ndërprerja e sfidës vijonte pa një njoftim zyrtar.
Vetëm më vonë u zbulua se Makkelie ishte thirrur në telefon nga përgjegjësit për sigurinë në stadium.
Ata kishin identifikuar mes tifozëve rrezikun e hedhjes së një numri shumë të madh fishekzjarrësh, duke krijuar rrezik për shëndetin e njerëzve në tribuna dhe lojtarëve në fushë,
Për këtë arsye, në mënyrë të fshehtë sfida u ndërpre derisa oficerët e sigurës ndërhynë për të larguar tifozët përgjegjës dhe rrezikun e mundshëm.
Më pas ndeshje rifilloi normalisht, ndërs AZ Alkmaar fitoi 5-1, duke marrë edhe trofeun e Kupës së Holandës.
