Amerika Latine epiqendra e re e koronavirusit, këto janë vendet me “vatrat” më të nxehta

schedule15:50 - 21 Maj, 2020

schedule 15:50 - 21 Maj, 2020

Qendra e epidemisë si duket ka lëvizur tashmë në Amerikën Latine.

Në Meksikë, deri më tani rezultojnë të infektuar 56,594 persona, ndërsa janë regjistruar edhe 6,090 viktima.

Ndërsa, ministri i shëndetësisë në Bolivi është arrestuar nën dyshimin për korrupsion. Marcelo Navajas është duke u hetuar në lidhje me blerjen e ventilatorëve me çmime shumë të larta nga një kompani spanjolle. Menjëherë pas arrestimit, ai u shkarkua nga presidentja e vendit e cila tha se nuk do të lejonte askënd të vidhte nga Bolivianët.

Organizata Botërore e Shëndetit paralajmëroi disa ditë më parë se Amerika tani ishte në qendër të pandemisë koronavirusit.

Shifrat e fundit mbështesin deklaratat e OBSH pasi Brazili, Peruja dhe Meksika janë mes katër vendeve që kanë rritjen më të shpejtë të vdekjeve nga koronavirusi. Vendi i katërt është Rusia. /abcnews.al/