Territori shqiptar gjatë pjesës së parë të ditës parashikohet të jetë me alternime kthjellimesh dhe kalime vranësirash, ku kthjellimet më të dukshme do të jenë në zonat Jugperëndimore. Por pasditja dhe mbrëmja do të shtojnë vranësirat në të gjithë vendin tonë, ku më të dukshme pritet të jenë në zonat veriore dhe pjesërisht në qendër. Nata vonë në veri të Shqipërisë do të sjelli reshje të pakta shiu.
Temperaturat e ajrit do të rriten lehtë në mëngjes por ulen maksimumet duke luhatur vlerat ditore nga 5°C vlera më e ulët deri në 20°C vlera më e lartë. Era do të fryjë mesatare dhe e fortë përgjatë gjithë ditës duke arritur shpejtësinë edhe mbi 55 km/h nga drejtimi Jugor, për pasojë në brigjet detare do të krijohet dallgëzim 5 ballë.
Kosova
Përgjatë gjithë 24 orëshit, republika e Kosovës do të jetë nën dominimin e masave ajrore të qëndrueshme duke sjellë dominim të motit të kthjellimeve gjatë orëve të paradites ndërsa pjesa e dytë e ditës do të sjellë vranësira të shpeshta në shumë zona të Kosovës, por mundësia për reshje është thuajse zero. Përgjatë luginave do të ketë mjegull të dendur në orët e para të mëngjesit. Ndërkohë temperaturat e ajrit do të rriten lehtë në mëngjes, por ulen maksimumet duke u luhatur nga 5°C minimalja e shënuar në qytetin e Podujevës deri në 14°C vlera maksimale e cila do të shënohen në Gjakovë. Era do të fryjë e lehtë paradite por forcohet gjatë pasdites duke arritur shpejtësinë maksimale deri në 50 km/h nga drejtimi permanent jugor.
Maqedonia e Veriut
Nën mbizotërimin e motit të kthjellët dhe vranësirave të lehta do të paraqitet republika e MV gjatë gjithë paradites, por orët e pasdites do të sjellin vranësira të shpeshta në pjesën më të madhe të MV, më të fokusuara në zonat veriore dhe verilindore, megjithatë nuk priten reshje. Temperaturat e ajrit do të pësojnë rritje të lehtë në mëngjes, por ulen maksimumet duke u luhatur nga nga 5°C vlera minimale deri në 16°C vlera maksimale në rang territori. Era do të fryjë e lehtë gjatë paradites, por forcohet në pjesën e dytë të ditës duke arritur shpejtësinë maksimale mbi 55 km/h nga drejtimi Jugor.
Evropa
Europa qendrore dhe Jugperëndimore mbeten nën ndikimin e vranësirave të dendura të cilat do të sjellin reshje shiu, por herë pas here pritet të jenë edhe në formë rrebeshi. Gjithashtu me reshje shiu do të vijojë pjesa me e madhe e Italisë dhe Ballkani Veriperëndimore. Ndërsa në Skandinavi rikthehen reshjet e dëborës. Me kushte të qëndrueshme atmosferike do të vijojnë të paraqiten Ishujt Britanikë dhe Lindja e Kontinentit. Po ashtu dhe brigjet e Egjeut do të jenë më intervale të gjata me diell dhe kalime të lehta të vranësirave./abcnews.al
