Trajneri i Juventusit, Massimiliano Allegri ka komentuar fitoren e ekipit të tij ndaj Interit në javën e 27-të të Serie A.
“I jam mirënjohës skuadrës që mundi të relaksohej gjatë pushimit të kombëtareve, përndryshe situata do të ishte e tensionuar. Duhet të fitosh, por edhe të shijosh ditët pas ndeshjes. Prandaj u thashë djemve që nuk jam më i ri, ndaj ju lutem të fitojmë dhe të mos më bëni të vuaj. Ata e bënë atë.
I gjithë ekipi ka bërë përparim. Ne u mbrojtëm në të njëjtën mënyrë, nuk e lamë kundërshtarin të shkonte në portë. Ky ekip ka karakter dhe vendosmëri. Njerëzit që nuk ishin në pozicionin tonë nuk mund ta kuptojnë se si është të humbasësh 15 pikë. Por arritëm deri në çerekfinale të Ligës së Evropës, në gjysmëfinale të Kupës së Italisë dhe mbajtëm pasionin”, tha Allegri për “Football Italia”. /G.D abcnews.al/
