Loading ...VLORË- Policia e Vlorës ka arrestuar dy 25-vjeçarë gjatë një kontrolli të zhvilluar në fshatin Babicë e Madhe.
Në pranga u vu drejtuesi i automjetit, i cili qarkullonte me një pistoletë me 5 fishekë në çantën e tij. Gjatë kontrollit në banesën e tij, policia gjeti edhe 20 fishekë të tjerë, një sasi të dyshuar narkotike kanabis dhe një maskë plastike.
Po ashtu u sekuestruan katër telefona celularë dhe automjeti tip “Benz”. Pasagjeri në automjet u arrestua për moskallëzim krimi.
Policia e Vlorës vijon hetimet për të verifikuar përfshirjen e tyre të mundshme në ngjarje të tjera kriminale./abcnews.al
