Jesy Nelson është shprehur se ka folur me anëtaret e grupit “Little Mix” që kur u largua dhjetorin e kaluar. Këngëtarja 30-vjeçare theksoi se të qenit pjesë e një prej grupeve më të suksesshme të vajzave në Britani ndikoi në shëndetin e saj mendor. Në një intervistë, ajo shpjegoi se si gjërat e vogla e bënin të ndihej ‘e bllokuar’.
Duke folur për Glamour Magazine, Nelson, e cila pritet të publikojë këngën e parë solo të premten, tha se ekziston një “distancë” midis saj dhe tre anëtareve të grupit ndërsa pranoi se është e çuditshme duke pasur parasysh afërsinë e tyre për gati një dekadë.
“Unë nuk kam folur me vajzat. Është e çuditshme sepse për kaq shumë vite ne ishim aq afër sa motrat, së bashku çdo orë të ditës për javë të tëra, duke ndarë shtretërit, duke qeshur, duke qarë vetëm 24/7 të katëra ne së bashku dhe pastaj … Asgjë.”, tha ajo. /abcnews.al
