Një aksident me pasojë vdekjen e një personi ka ndodhur mëngjesin e sotëm në aksin rrugor Elbasan-Peqin.
Një mjet tip “Benz” i ka prerë rrugën një trajleri. Për pasojë ka ndërruar jetë drejtuesi i “Benz”-it H.B., 64 vjeç, banues në Librazhd.
“Më datë 28.09.2021, rreth orës 07:30, në aksin rrugor Elbasan-Peqin, në fshatin Pajov, mjeti tip “Benz”, me drejtues shtetasin H.B., 64 vjeç, banues në Librazhd, i ka prerë rrugën mjetit tip trajler me drejtues shtetasin A.D., 49 vjeç, banues në Korçë.
Si pasojë e aksidentit ka humbur jetën drejtuesi i mjetit tip “Benz”, shtetasi H.B. Grupi hetimor po punon për zbardhjen e plotë të shkakut të aksidentit”, njofton policia. m.v/abcnews.al
