Loading ...
Gjermania dhe Franca kanë bërë të ditur se bashkë me vende të tjera të Bashkimit Evropian kanë nominuar Tedros Adhanom Ghebreyesus për një mandat të dytë si kreu i përgjithshëm i Organizatës Botërore të Shëndetësisë.
Kjo është edhe hera e parë që një kandidat për vendin kryesor në agjencinë e shëndetësisë së Organizatës së Kombeve të Bashkuara, nuk nominohet nga vendi i tij i lindjes. Tedros ka qenë në qendër të vëmendjes globale për mënyrën sesi organizata që ai drejton është duke iu përgjigjur pandemisë së koronavirusit në 19 muajt e fundit.
Zgjedhjet për drejtuesin e radhës të OBSH, që do të jetë në krye të organizatës për 5 vitet e ardhshme, do të mbahen në mbledhjen e radhës vjetore të asamblesë në maj. /abcnews.al/
