Skënderbeu dështoi të marrë rezultat pozitiv ndaj Tiranës në ndeshjen e parë të Superiores. Pas humbjes 4-2, trajneri Migen Memelli foli për Super Sport.
“Nuk e filluam mirë dhe pësuam. Më pas manovruam shumë mirë dhe erdhëm te goli dhe kur shënon ndaj Tiranës lojtarët kanë edhe afeksionin që gjërat mund të bëjnë mirë. Penzalimi jonë ishte kartoni i kuq i Zguros.
Më pas ishim keq në të dyja fazat e lojës. Ishim më vonesë dhe lojtarët u bllokuan dhe lanë topa në zonat e goditjes. Përgjegjësi kryesor jam unë dhe duhet t’i kisha bërë gjërat shumë mirë edhe për gjëra që mbeten në dhomat e zhveshjes.
Tirana më pas na vuri në presion dhe shënoi golat. VAR? E kam thënë se do e përmirësojë futbollin tonë. Pjesa kryesore e lojtarëve me eksperiencë Rexhepi, Meksi dhe Mara, duhet të marrin më shumë përsipër. Kampionati është i gjatë. Lojtarët janë njerëz dhe ata mund të gabojnë.
Kjo është një ndeshje që u humb nga detajet dhe po të shikosh ndryshimin mes dy pjesëve, në të parën ishim të barabartë me Tiranën, ndoshta më mirë se ajo. Ne do pëqrballemi me të gjitha skuadrat e Superiores si të barabartë dhe jam shumë i sigurt për këtë.
Më dhemb kjo ndeshje sepse ia falëm vetë Tiranës, si te kartoni i kuq, te golat. Nëse shikojmë lojën, nuk mendoj se Tirana do fitonte me këtë rezultat. Gabimet tona në mbrojtje ishin suksesi i Tiranës. Nuk mund të gabosh në këtë mënyre ndaj tyre. Objektivi maksimal janë tri pikët në ndeshjen e radhës“, u shpreh Memelli. /abcnews.al
