Banorët e Unazës së Re, të cilët protestojnë prej disa javësh kundër shembjes së shtëpive të tyre për shkak të projektit të Unazës së Madhe edhe këtë pasdite në orën 17:00 kanë bllokuar rrugën. Pranë tyre ka qenë edhe Partia Demokratike, kreu i së cilës i ka bërë thirrje organit të akuzës të bëj punën që ja ngarkon kushtetuta.
Si çdo pasdite, kreu i opozitës Lulzim Basha në orën 17:00 u gjend pranë banorëve të unazës së re që protestojnë kundër shembjes së shtëpive të tyre. Për kryedemokratin e vërteta tashmë ka dalë në dritë dhe dokumentat tregojnë historinë e manipulimit të projektit të Unazës së Madhe.
“Për të vjedhur 40 milion euro ata derdhën në 1 muaj dhunë sharje fyerje helmin e përçarjes. Ky nuk është vetëm projekt vjedhjeje por pastrimi ndërkombëtar parashë. Kishin bërë gati konton bankare në USA. Kanë nisur hetim ata, po hetimi shqiptar ku është?”
Armiku i vetëm i të keqes është bashkimi i shqiptarëve, thekson Lulzim Basha i cili ri-konfimoi mbështetjen e forcës politike që drejton për protestën e banorëve./abcnews.al
