Kryeministri Edi Rama ka prezantuar sot drejtuesit e rinj politikë të qarqeve në Asamblenë e Partisë Socialiste. Taulant Balla largohet nga qarku i Elbasanit, të cilin e ka drejtuar prej vitesh dhe emërohet në Fier. Vendin e tij në Elbasan, Rama ia dorëzon Damian Gjiknurit, kurse në Vlorë shkon Arben Ahmetaj.
Tiranën, kryesocialisti ia ka besuar sërish kryebashkiakut Erion Veliaj, ndërsa Elisa Spiropali shkon në Kukës, në vend të Safet Gjicit. Ndërkohë, në Shkodër është emëruar Edona Bilali, duke zëvendësuar ish-ministrin Ilir Beqaj.
Mirela Kumbaro e cila u caktua ministre e Mjedisit do të ketë Gjirokastrën ndërsa ministri i ri i Drejtësisë, Ulsi Manja do të ketë dibrën. Blendi Klosi shkon në Lezhë dhe Niko Peleshi mbetet sërish në Korçë.
Drejtuesit e qarqeve:
Taulant Balla, Fier
Damian Gjiknuri, Elbasan
Arben Ahmetaj, Vlorë
Edona Bilali, Shkodër
Elisa Spireopali, Kukës
Ardian Çela, Durrës
Bledi Çuçi, Berat
Ulsi Manja, Dibër
Blendi Klosi, Lezhë
Erion Veliaj, Tiranë
Mirela Kumbaro, Gjirokastër
Niko Peleshi, Korçë
g.v/abcnews.al
