Një aksident me bilanc tragjik ndodhi paraditen e sotme në provincën Konya të Turqisë duke lënë gjashtë të vdekur dhe dy të lënduar.
Mediat turke raportojnë se një kamion i mbushur me plehra kimikë është përplasur me një minibus duke mos i dhënë asnjë shans udhëtarëve.
Lexo edhe: FOTO/ Masakër në rrugë në Turqi, 9 të vdekur nga shpejtësia
Gjashtë prej tyre ndërruan jetë në vend për shkak të përplasjes së fortë, ndërsa dy të tjerë u dërguan në spital.
Turqia njihet për rrugët e rrezikshme, ku vetëm pak ditë më parë ndodhi një tjetër aksident i ngjashëm me 9 viktima. Kësaj radhe ishte një kamion që përplasi autobusin duke shkaktuar një masakër të vërtetë. /abcnews.al
