Nga Kristen Rogers, CNN
Për fëmijët e vegjël, pandemia vjen në një kohë vendimtare për zhvillimin e aftësive të rëndësishme për empatinë, sigurinë dhe shumë të tjera-një fazë për të cilën disa prindër janë të shqetësuar se do të dëmtohet nga mbajtja e maskave.
“Ka periudha të ndjeshme në zhvillimin e hershëm të fëmijërisë në të cilat zhvillimi i gjuhës dhe zhvillimi emocional po zhvillohen me ritme shumë të shpejta gjatë viteve të para të jetës,” tha Ashley Ruba, një studiuese e fëmijëve.
Të jesh në gjendje të përdorësh shprehitë e fytyrës të të tjerëve apo fjalët për të kuptuar se si ndihet dikush është një detyrë kritike për fëmijët e vegjël, shtoi Ruba. Frika se mbajtja e maskave mund të pengojë këto përvoja natyrore të të mësuarit dhe aftësitë e komunikimit janë studiuar edhe para pandemisë, raporton abcnews.al
Kur fëmijët e moshës 3 deri në 8 vjeç panë fytyrat e mbuluara me maska, ata nuk treguan ndonjë dëmtim në klasifikimin e shprehjeve, sipas një studimi të vitit 2012 të botuar në revistën Cognition.
Gjatë pandemisë, Ruba, gjithashtu, ka studiuar nëse maskat ndikojnë në aftësitë e fëmijëve për të kuptuar shprehjet e fytyrës. Ajo dhe bashkautori i saj u treguan më shumë se 80 fëmijëve të moshës 7 deri në 13 vjeç, foto të fytyrave të mbuluara nga një maskë kirurgjikale ose duke mbajtur syze dielli.
Ato foto tregonin trishtim, zemërim ose frikë. Kur u pyetën për të caktuar një nga gjashtë emocionet në çdo fytyrë, fëmijët dhanë përgjigjen e saktë në 66% të rasteve. Duke patur parasysh gjetjet dhe fleksibilitetin e lindur të fëmijëve në përshtatjen, ekspertët nuk dyshojnë në ndonjë efekt afatgjatë që mund të ketë mbajtja e maskave në zhvillimin e fëmijëve.
Dallimet midis moshave dhe stileve të të mësuarit
Që nga lindja, foshnjat mësojnë se si të komunikojnë duke vëzhguar fytyrat dhe zërat e të dashurve të tyre dhe duke u përpjekur të përgjigjen, sipas Akademisë Amerikane të Pediatrisë. Qendrat amerikane për Kontrollin dhe Parandalimin e Sëmundjeve nuk kanë rekomanduar që fëmijët nën 2 vjeç të mbajnë maska.
Për fëmijët më të vegjël se 18 muajsh, të mësosh se si të komunikosh përmes shenjave vizuale është “ndoshta më e rëndësishme sepse të mësosh një fjalë të re,” shtoi Learmonth. Nëse jeni të shqetësuar për zhvillimin gjuhësor dhe shoqëror të fëmijës tuaj gjatë pandemisë, sigurohuni që të gjeni kohë për të biseduar me fëmijën tuaj ballë për ballë kur jeni në shtëpi dhe mos harroni se nuk duhet të mbani maskë, sugjeroi Learmonth.
Elementë të tjerë të tillë si gjestet fizike të panjohura mund t’i ndihmojë fëmijët të zhvillojnë aftësitë komunikuese. Fëmijët e vegjël, përfshirë ata që mund të kenë probleme me shikimin do të përdorin të dhëna ose shqisa të tjera për të kuptuar dhe mësuar gjuhën, sipas AAP .
Ndihma nga prindërit
Për të komunikuar më mirë me një fëmijë ndërsa mbani një maskë, AAP rekomandon që të rriturit të fitojnë vëmendjen e fëmijës para se të flasin dhe të flasin ngadalë dhe me zë të lartë, por jo duke bërtitur.
Ju mund të përdorni gjithashtu gjuhën e trupit. Në varësi të përgjigjes, pyesni nëse fëmija juaj e kuptoi dhe përsëriteni fjalët nëse është e nevojshme. Nëse keni shqetësime për aftësitë e zhvillimit gjuhësor të fëmijës suaj drejtohuni te një patologë.
“Fëmijët përshtaten, edhe nëse kurrë nuk kanë mbajtur maska, ata do të përshtaten… është diçka që ndodh natyrshëm.
Dhe zhvillimi padyshim që nuk është linear. Një fakt tjetër inkurajues është se fëmijët që jetojnë në kultura ku mbulimi i fytyrës është normë ende po mësojnë si të komunikojnë, tha Learmonth.
“Ka shumë mënyra në të gjithë botën për të folur me fëmijët e vegjël, dhe të gjitha funksionojnë.”
/abcnews.al
