Sipas deklaratë të një udhëheqësi taleban është ende shumë herët për të diskutuar sesi lëvizja islamike do të qeverisë vendin, disa orë pasi luftëtarët e saj pushtuan Kabulin.
“Ne duam që të gjitha forcat e huaja të largohen para se të fillojmë të riorganizojmë sistemin tonë të qeverisjes,” tha ai për Reuters, duke folur në kushte anonimiteti.
Early Monday morning in Kabul. Stuck between the Taliban’s rampage and the U.S.’ suspension of commercial flights from Kabul Airport, Afghans trying to make their way into the airport. #Afghanistan #Talibans pic.twitter.com/IeRglhCDD5
— Mohammed Soliman (@ThisIsSoliman) August 16, 2021
Afganistani është tërësisht në duart e talebanëve, pas rënies së forcave qeveritare dhe largimit nga vendi të Presidentit Ashraf Ghani, i cili pranoi “fitoren” e tyre pas njëzet vitesh lufte. Vendet e huaja po nxitojnë të evakuojnë diplomatët dhe qytetarët e tyre të mbetur.
Footage shows people crowding the airport tarmac in Kabul after the Taliban entered the Afghan capital. https://t.co/zyaDykV2Ey pic.twitter.com/esjNeK9nwu
— ABC News (@ABC) August 15, 2021
Në një video të postuar në mediat sociale, Mulla Abdul Ghani Baradar, një bashkëthemelues i talebanëve, vlerësoi fitoren duke shtuar se “është koha për të treguar se ne mund t’i shërbejmë kombit tonë dhe të garantojmë siguri dhe qetësi në vend”.
Mijëra njerëz po nxitojnë të largohen nga qyteti. Ndërkohë qeveritë e më shumë se 60 vendeve kanë lëshuar një deklaratë të përbashkët duke theksuar se afganët dhe të huajt që kërkojnë të largohen nga Afganistani duhet të largohen nga vendi në mënyrë të sigurt dhe se aeroportet dhe pikat kufitare duhet të vazhdojnë të funksionojnë normalisht./abcnews.al
