Mozaiku i famshëm i Akilit i zbuluar në Apolloni do të restaurohet. Ai i përket një zbulimi të madh të vilës së Athinasë në zonën antike.
Një javë pas nisjes së punës për largimin e dheut që e mbuloi për afro 20 vjet, një ndër mozaikët më të famshëm të lashtësisë po shpalos bukuritë e tij. Është mozaiku i Akilit në vilën e Athinasë në Apoloninë Antike i cili së bashku me pjesët e tjera të vilës do t’i nënshtrohet restaurimit.
Vila e stilit romak është një nga më të mëdhatë në Apoloni. Dyshemtë e saj janë të mbuluara mermer dhe mozaikë. Këta të fundit janë cilësuar si vepra arti, por ruajtja e tyre nuk ka lejuar publikun t’i vizitojë.
Një raport që pritet t’i dërgohet Institutit të Monumenteve për gjendjen vilës veçanërisht mozaikut të Akilit do të mundësojë restaurimin me qëllim bërjen e këtyre thesareve të vizitueshme.
Mozaiku i Akilit quhet kështu, sepse ka në qëndër figurën e heroit të mitologjisë greke. /abcnews.al
