Fabio Cannavaro, mbrojtësi i fundit që ka arritur të fitojë Topin e Artë, së fundmi ka skanuar mbrojtjen e Juventusit. Ai shprehet se Chiellini dhe Bonucci, duhet të menaxhohen për kohën e tyre në fushë dhe se De Ligt shpejt do jetë më i miri.
“Giorgio dhe Leo ishin shumë të mirë, por Chiellini është 36 dhe Bonucci 34 vjeç. Ata nuk mund të jenë të përjetshëm. Kjo vlen për Italinë dhe gjithashtu për Juventusin.
Nëse klubi i menaxhon ndeshjet e tyre, duke i futur në lojë në ndeshjet më të nevojshme, ata mund të jenë ende vlerë e shtuar. Në të kundërt rrezikohet shumë. De Ligt? Po të isha me të për një kafe do i thojë të qëndrojë i qetë dhe të vazhdojë të punojë.
Nga sa kam parë nga ai mund të them se është një profesionist i shkëlqyer. De Ligt ka shumë për të dhënë. Më besoni: Ai është në vendin e duhur dhe do bëhet një nga më të mirët në botë”, tha Cannavaro. /abcnews.al
