Sipas një sondazhi, dy të tretat e britanikëve besojnë se të paktën disa kufizime të COVID-19 duhet të qëndrojnë në fuqi edhe pas 19 korrikut.
66% e njerëzve që morën pjesë në sondazhin e kryer nga Kantar Public kërkojnë që shumica e kufizimeve ose të gjitha të mbetën në fuqi dhe 60% mendojnë se maska duhet të jetë e detyrueshme në dyqane dhe në transportin publik.
Sidoqoftë, Kryetari i Bashkisë së Londrës Sadiq Khan tha që maskat do të jenë të detyrueshme në transportin publik, gjithashtu qeveria skoceze tha të martën se përdorimi i maskave do të jetë i detyrueshëm.
Sipas sondazhit 29% e të anketuarve besojnë që Britania duhet të mësojë të jetojë me COVID-19 pa asnjë kufizim. Gjithashtu një në katër persona thanë se ekonomia e tyre është tkurrur që kur filloi pandemia e koronavirusit, 41% që thanë se situata nuk ka ndryshuar dhe 20% thanë se ekonomia e tyre është rritur.
Nga personat që kursyen më shumë para, 11% planifikojnë t’i shpenzojnë të gjitha deri në fund të vitit, ndërsa 63% thonë se do të shpenzojnë disa ose asnjë prej kursimeve këtë vit.
Në sondazh morën pjesë 1,057 persona midis 7 dhe 12 korrikut. s.ba/abcnews.al
