Policia ka identifikuar dhe po punon për arrestimin e tre personave që rrahën avokatin Marjel Mejdi në hyrje të portit të Sarandës.
Gazetarja e “ABC” Silvi Sulaj raporton se autorët janë dy me mbiemër Fufi nga Mamurrasi dhe Aleks Rexha nga Gjirokastra.
Agresorët e zbritën nga makina tip “Benz” dhe e goditën disa herë duke i shkaktuar plagë të shumta në trup avokatit.
Mesditën e sotme 39-vjeçarit në hyrje të portit në sy të pushuesve i ndalën makinën dhe e nxorën duke e dhunuar. Ai tashmë është dërguar në spital ku ndodhet nën kujdesin e mjekëve, jashtë rrezikut për jetën.
Ndërkohë që pritet dëshmia e avokatit për të zbuluar shkakun e konfliktit që degjeneroi në dhunë./db/ Abcnews.al
