Vendet në të gjithë Europën po përpiqen të përshpejtojnë fushatën e vaksinimit për të parandaluar përhapjen e variantit Delta. Frika është rritur edhe më shumë për shkak të fillimit të sezonit turistik. Distancimi shoqëror zakonisht neglizhohet, veçanërisht tek të rinjtë, dhe disa vende kanë hequr masën për të mbajtur maska .
Qeveritë madje kanë nxitur njerëzit të vaksinohen duke i ofruar ushqime falas, kupona udhëtimi dhe argëtimi. Rreziku i infektimit nga varianti delta është “i lartë” për komunitetet e pavaksinuara, sipas Qendrës Europiane për Kontrollin e Sëmundjeve, e cila monitoron 30 vende në kontinent.
Deri në fund të gushtit, varianti do të përbëjë 90% të rasteve në Bashkimin Europian. Organizata Botërore e Shëndetësisë gjithashtu ka shprehur shqetësimin për përhapjen e variantit.
Mbretëria e Bashkuar, Portugalia dhe Rusia kanë regjistruar rritje të rasteve. Në Mbretërinë e Bashkuar, rastet e variantit delta janë katërfishuar në më pak se një muaj, me 46% të rasteve gjatë një javë.
Autoritetet shëndetësore portugeze këtë javë raportuan një rritje të prevalencës së variantit delta, e cila përbënte vetëm 4% të rasteve në maj, por gati 56% në qershor. Vendi ka raportuar numrin më të lartë të rasteve ditore që nga shkurti dhe numri i pacientëve me COVID-19 në spitale ka tejkaluar 500 për herë të parë që nga fillimi i prillit.
Numri i rasteve të reja është dyfishuar në qershor, duke kaluar 20,000 në ditë këtë javë, ndërsa numri i viktimave u rrit në 679 të premten, dita e katërt radhazi që numri i të vdekurve ka shënuar rekord.
Megjithatë, “askush nuk dëshiron të rikthehet bllokimi”, tha zëdhënësi i Kremlinit Dmitry Peskov në një konferencë, megjithëse ai pranoi se situata në një sërë rajonesh ruse është “e tensionuar”.
Në disa vende, virusi po përhapet shumë më shpejt tek të rinjtë. Në Spanjë, niveli i rasteve u rrit për 100,000 në 152 të premten.
Por për grupmoshën 20-29, numri i rasteve u rrit në 449. s.ba/ abcnews.al
