Është publikuar sot kalendari i sezonit të ri në kampionatin gjerman të futbollit. Bundesliga e sezonit 2021/2022 fillon të premten e 13 gushtit, me duelin M’Gladbach-Bayern Munchen (20:30). Start i vështirë për kampionët në fuqi, të cilët i kanë humbur dy ndeshjet e fundit në këtë transfertë.
Der Spielplan der #Bundesliga auf einen Blick. Um ihn mit automatischen Updates in Deinem Kalender zu haben, klicke hier:https://t.co/voGHGd5jX2 pic.twitter.com/fkqrKpfDMX
— BUNDESLIGA (@Bundesliga_DE) June 25, 2021
Një ditë më vonë zhvillohen të gjithë ndeshjet e tjera të javës së parë. Dortmund-Eintracht Frankfurt është një sfidë interesante, teksa e fortë është edhe përballja Union Berlin-Bayer Leverkusen.
Mërgim Mavraj dhe Greuther Furth ia dolën të rikthehen në elitën e futbollit gjerman. Javën e parë do të luajnë në transfertë kundër Stuttgart. Supersfida e Bundesligë, Dortmund-Bayern do të zhvillohet në javën e 14-të (4 dhjetor). /abcnews.al
