Isaac Herzog është zgjidhur presidenti i 11-të i Izraelit, pasi fitoi zgjedhjet e së mërkurës kundër Miriam Peretz, në një votim të fshehtë mes 120 ligjvënësve të vendit.
Tetëdhjetë e shtatë deputetë votuan për Herzog, ndërsa 27 votuan për Peretz. Ai do të zëvendësojë zyrtarisht Presidentin në ikje Reuven Rivlin muajin tjetër. Mandati shtatë-vjeçar i Herzog fillon në 9 korrik.
“Unë planifikoj të jem presidenti i të gjithëve,” tha Herzog pas votimit.
“Do të dëgjoj çdo pozicion dhe çdo person.” Ai theksoi rëndësinë e ndërtimit të “urave të marrëveshjeve … brenda nesh dhe me vëllezërit dhe motrat tona në Diasporë”.
Sipas Herzog, sfidat janë të mëdha dhe nuk duhet të nënvlerësohen.
“Është jetësore që të trajtojmë plagët e shoqërisë sonë, ne duhet të mbrojmë pozicionin ndërkombëtar të Izraelit dhe emrin e tij të mirë mes shteteve, të luftojmë antisemitizmin dhe urrejtjen ndaj Izraelit, të mbrojmë shtyllat e demokracisë sonë “.
Isaac Herzog u përgëzua edhe nga kryeministri i vendit Benjamin Netanyahu, për zgjedhjen e tij si presidenti i ardhshëm i Izraelit. /abcnews.al/
