Një tren mallrash i linjës Durrës-Elbasan, ka përplasur në orët e para të mëngjesit një makinë policie. Për pasojë, tre nga efektivët që ndodheshin në makinë u plagosën dhe u dërguan në spital jashtë rrezikut për jetën.
Gjurmët që mbetën nga makina e patrullës së policisë pasi treni i mallrave i linjës Durrës-Elbasan e mori përpara.
Tre policët, të cilët ishin brenda saj mbijetuan me disa plagë në trup.
Ngjarja ndodhi herët në mëngjes në lagjen numër 13 Durrës, pranë sektorit “Iliria”. Patrulla e policië po tentonte të kalonte shinat. Dy nga policët, pas mjekimit në spital u dërguan në shtëpi, kurse polici i tretë iu nënshtrua regjimit në spital dhe është jashtë rrezikut për jetën.
Nuk është i vetmi aksident që ndodh në kalesat hekurudhore. Banorët janë të shqetesuar. Thonë se aty nuk ka sinjalistikë.
Pak ditë më parë një e moshuar humbi jetën. Treni i linjës Durrës-Shkodër e mori para kur burri po kalonte mbi kalesën e shinave. Përgjatë viteve, numri i viktimave në shina është i lartë./abcnews.al
https://youtu.be/ftElBbl5Y3s
