Eden Hazard vazhdon të mos shprehë gjithë potencialin e tij te Real Madrid. 115 milion euro paguan “Los Blancos” te Chelsea në verën e vitit 2019, teksa fantazisti belg nuk po ia del të japë kontributin e tij.
Shumë dëmtime, rendiment i dobët dhe kritika të shumta. Ekipi i Zidane fitoi 2-1 ndaj Villareal ditën e djeshme, sukses që nuk mjaftoi për të fituar titullin kampion, pasi me të njëjtin rezultat fitoi edhe Atletico Madrid, që siguroi titullin e 11-të në histori.
Predrag Mijatovic, ish-sulmuesi i Realit, nuk i ka kursyer thumbimet për Hazard në prononcimin e dhënë për Cadena Ser. “Është mjaft shqetësuese që Eden nuk bën pjesë në ndeshjen më të rëndësishme të sezonit.
Ai mund të mendojë se Euro 2020 me Belgjikën ka rëndësi më të madhe se Real Madrid, por harron që rrogën ia jep Reali“, deklaroi 52-vjeçari malazez. /abcnews.al
