Një automjet është djegur paraditen e sotme në Vlorë. Policia ka bërë me dije se makina në pronësi të E.B. ka qenë i parkuar në lagjen “Osman Haxhiu”, në momentin kur është përfshirë nga flakët.
Burime bëjnë me dije për ABC se shkak janë bërë dy fëmijë të moshave 7 dhe 10 vjeç të cilët kanë qenë duke luajtur me shkrepëse dhe i kanë vënë flakën një sfungjeri të lagur me benzinë. Ndërkohë vetë pronari i makinës ndodhet në Itali, ku punon aktualisht.
“Sot, rreth orës 10:30, në lagjen “Osman Haxhiu”, Vlorë, ka rënë zjarr dhe është djegur një mjet i parkuar, i markës “Renault”, në pronësi të shtetasit E. B.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit”, njofton policia./mv.abcnews.al
