Erik ten Hag ishte një nga kandidatët për të zëvendësuar Hansi Flick në fund të sezonit në stolin e Bayern Munchen. Kampionët e Gjermanisë zgjodhën Julian Nagelsmann si timonierin e ri të ekipit, ndërsa trajneri holandez ka zgjatur bashkëpunimin me Ajax.
51-vjeçari ka rinovuar kontratën me rekordmenët e futbollit holandez deri në verën e vitit 2023, lajm që raportohet nga klubi i Ajax nëpërmjet një postimi në faqen zyrtare në Twitter. Ten Hag mori drejtimin e Ajax në dhjetorin e vitit 2017.
His home? Amsterdam… ❌❌❌
+1 for Erik ten Hag ➥ 2023
— AFC Ajax (@AFCAjax) April 30, 2021
Gjatë këtyre viteve ka zhvilluar një punë shumë të mirë, në fitimin e trofeve dhe nxjerrjen e një brezi fantastik lojtarësh. Katër trofe ka fituar ten Hag në stolin e Ajax, teksa në vitin 2019 ishte pak sekonda larg kualifikimit në finalen e Champions League. /abcnews.al
