Robert Lewandowski është pjesë e Bayern Munchen prej verës së vitit 2014. Sulmuesi polak, i cili është kthyer prej vitesh në një makineri të frikshme golash, ka fituar çdo trofe me rekordmenët gjermanë.
Sky Sports raporton se agjenti i 32-vjeçarit, Pini Zahavi ka nisur negociatat me klubet e interesuara për Lewandowskin, që janë të shumta. Agjenti po bisedon për të mësuar sesa miliona janë gati të shpenzojnë klubet e interesuara.
Bayerni as që ka ndërmend të heqë dorë nga futbollisti më i mirë në botë i vitit 2020 dhe ka nisur nga puna për t’i zgjatur kontratën që i përfundon në verën e vitit 2023, sigurisht me një rritje të konsiderueshme të rrogës sezonale. /abcnews.al
