Çmimi dhe “përjashtimi” Premier, Tottenham vendos për të ardhmen e Kane

Harry Kane nuk po ia del dot të fitojë trofe me Tottenham, sigurisht jo për faj të tij. Kapiteni i ekipit londinez dhe kombëtares angleze, pëlqehet nga shumë klube evropiane, që e shohin si lojtarin perfekt për majën e sulmit.

27-vjeçari ia ka bërë të qartë drejtuesve se nuk mund të qëndrojë sërish te Spurs nëse nuk arrihet kualifikimi në Champions League për sezonin e ardhshëm. The Athletic raporton se Daniel Levy kërkon 120 milion paund për ta lënë të lirë yllin e skuadrës.

Por jo vetëm kaq. Presidenti i Tottenham e ka bërë të qartë se Kane, emri i të cilit është lidhur edhe me Manchester City, nuk do të shitet në asnjë klub të Premier League, duke theksuar se do të marrë në konsideratë vetëm ofertat nga jashtë. /abcnews.al