Karim Benzema është kthyer në liderin e Real Madrid pas largimit të CR7 drejt Juventusit. Sulmuesi francez po shkëlqen këtë sezon, gjatë cilit ka shënuar 24 gola dhe ka dhuruar 6 asiste.
Kontrata me kampionët e Spanjës i përfundon verën e vitit të ardhshëm dhe agjenti i tij ka nisur bisedimet e rinovimit me presidentin Florentino Perez.
Karim Djaziri, i cili përfaqëson të drejtat ligjore të 33-vjeçarit, ka folur rreth së ardhmes së klientit të tij për Made In Foot. “Karim është shprehur se dëshiron të rikthehet te Lyon.
Thelbi i deklaratës së tij lidhet me faktin e dëshirës për t’u rikthyer një ditë në klubin dhe qytetin e tij. Por sot ai është më afër rinovimit me Realin sesa rikthimit në Francë“, deklaroi Djaziri. /abcnews.al
