Vala e tretë e koronavirusit mund të arrijë kulmin në 20 Prill, sipas disa ekspertëve.
Sipas parashikimeve, numri i pacientëve të shtruar në spital në rajonin e Parisit pritet të jetë 2,000. Një studim i ri i botuar këtë javë nga Instituti Pasteur i Francës arriti në përfundim se varianti britanik është më dominues në Francë, 90 për qind e të rriturve do të duhet të vaksinohen para se vendi t’i rikthehet normalitetit pa rrezikuar një valë tjetër.
Sipas ekspertëve, qëllimi për të vaksinuar 90% të të rriturve është pothuajse i pamundur.
“Vaksinimet do të na lejojnë të dalim nga kriza, por do të na duhet të vazhdojmë me kufizimet deri në vjeshtë,” tha Pascal Crepey, bashkëautor i studimit dhe një ekspert në epidemiologji.
Më shumë se 59,000 persona kanë humbur jetën në Francë që nga fillimi i pandemisë. Pavarësisht nga masat paraprake, më shumë se 18,000 raste të reja u regjistruan të enjten, numri më i lartë ditor që nga 20 nëntori. /abcnews.al
