Nesër nisin duelet çerekfinale të Champions League. Real Madrid-Liverpool është një nga përballjet më të forta dhe interesante. Mbrojtësi spanjoll i “Los Blancos”, Nacho u shaq përpara mediave përkrah trajnerit Zidane, aty ku foli rreth sfidës së nesërme në Madrid (21:00) dhe disa temave të tjera.
“Po luftojmë në kampionat dhe Champions League, kështu që meritojmë respekt. Jam pjesë e një klubi ku presioni është i pranishëm në çdo moment. Objektivi ynë mbetet fitimi i trofeve. Po përjetoj momentin më të mirë të karrierës, shpresoj që marr një ftesë nga Luis Enrique për Euro 2020.
Liverpool? Krahasuar me finalen e vitit 2018, ne kemi humbur Cristiano Ronaldon. Ndërkohë, ata janë bërë kampionë. Nuk ka diferenca mes dy skuadrave, ne ndodhemi një moment pozitiv dhe jemi shumë të përqendruar për të qenë mentalisht gati për duelin ndaj Liverpool.
Nuk ka rëndësi të madhe për mua nëse do të luajnë me Diogo Jota apo Firminhon në majë të sulmit. E ardhmja? Është ëndrra ime ta mbyll karrierën te Real Madrid. Do të ishte fantastike të ndodhte një gjë e tillë. Unë jam i hapur të bisedoj në çdo moment me klubin.
Këtu ndihem në shtëpi dhe jam shumë i lumtur. Sigurisht që ka ndikim në të ardhmen time nëse Reali rinovon me Sergio Ramos apo blen një ose dy lojtarë të tjerë mbrojtës. Do të flas me drejtuesit dhe familjen time, më pas do të marr vendimin më të mirë“, deklaron Nacho. /abcnews.al
