Presidenti francez Emmanuel Macron pritet të forcojë kufizimet e koronavirusit të mërkurën ndërsa numri i rasteve dhe shtrimet në njësitë e kujdesit intensiv janë rritur në të gjithë Francën.
Macron do të mbajë një konferencë sot ndërsa është përballur me kritika të shumta mbi qasjen e tij ndaj Covid-19. Administrata e tij ka favorizuar kufizimet rajonale ndaj bllokimeve të rrepta kombëtare të vendosura në kombet e tjera europiane, kundër këshillës të komitetit shkencor të Francës.
Qeveria ka vendosur një shtetrrethim mbarëkombëtar në orën 7 pasdite, ndërsa bizneset jo thelbësore janë të mbyllura dhe lëvizja është e kufizuar në 19 nga 96 rajone në Francën kontinentale.
Macron, i cili është gati të rizgjidhet vitin e ardhshëm, e ka justifikuar strategjinë duke thënë se vendi duhej të merrte parasysh ndikimet në shëndetin mendor dhe ekonominë në krijimin e një përgjigje të ekuilibruar ndaj valës së tretë.
Por sot, më shumë se 28,000 njerëz po trajtohen në spital në Francë, duke përfshirë 5,072 në njësitë e kujdesit intensiv (ICU), sipas të dhënave të ministrisë franceze të shëndetësisë.
Është hera e parë që nga prilli i vitit të kaluar që numri i pacientëve të ICU është mbi 5,000./abcnews.al
