Shumë po flitet për të ardhmen e Joachim Low. Trajneri i Gjermanisë do të largohet nga stoli ku është ulur për 15 vite me radhë pas mbarimit të Euro 2020, por nuk ka dhënë asnjë shpjegim se ku do ta vijojë karrierën.
Për këtë çështje ka reaguar edhe legjenda e Barcelonës, Xavi Hernandez, i cili e shikon gjermanin si të duhurin për katalanasit. “Joachim është një trajner luksoz. Ai dëshironte spektakël duke sulmuar dhe me atë mënyrë loje u shpall kampion bote”, deklaron spanjolli.
“Gjermania ka zhvilluar një lojë tjetër nga ajo që kam bërë unë tek Spanja dhe Barça. Mendoj se Low do të përshtatej shumë mirë në Katalonjë për shkak të mënyrës së tij se si e kupton lojën dhe falë personalitetit që ka”, përfundon Xavi për “Suddeutsche Zeitung”. /abcnews.al
