Një 38-vjeçar, me iniciale K.Y është arrestuar nga policia pasi gjatë kontrollit në banesë policia i ka gjetur një sasi të vogël heroinë, pas denoncimit të qytetarëve. Në lidhje me këtë çështje materialet i kanë kaluar Prokurorisë pranë Gjykatës së Shkallës së Parë Berat për veprën penale ”Prodhimi dhe shitja e narkotikëve”.
“Vijon puna për parandalimin, evidentimin dhe goditjen e veprimtarisë kriminale në fushën e narkotikëve.
Specialistët për Hetimin e narkotikëve, në vijim të punës për goditjen e veprimtarisë kriminale në fushën e narkotikëve si dhe nga informacionet e marra në rrugë operative ushtruan kontroll në banesën e shtetasit K.Y., ku gjetën dhe sekuestruan një sasi të vogël lëndë narkotike e llojit heroinë.
Në vijim të veprimeve të para hetimore u bë arrestimi në flagrancë i poseduesit të lëndës narkotike, shtetasit K.Y., 38 vjeç, banues në lagjen Kushtrim, Berat.
Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Berat, për veprat penale ”Prodhimi dhe shitja e narkotikëve”, njofton policia./mv.abcnews.al
