Nga data 13 shtator në aksin rrugor Vorë-Kthesa e Rinasit -Fushë Krujë do të ketë bllokime të pjesshme të lëvizjes së mjeteve, për shkak të nisjes së punës për rehabilitimin e shtresave të asfaltit. Autoriteti Rrugor Shqiptar dhe Policia e Rrugore njoftuan se nga e enjtja do të bëhet bllokimi i aksit nga Kthesa e Doganës deri tek kthesa për Prezë.
Koha e punimeve për rehabilitimin e këtij segmenti parashikohet të jetë 45 ditë. Segmenti do jetë i bllokuar për të gjitha mjetet gjatë periudhës së kryerjes së punimeve. Dogana e Tiranës do të jetë e aksesueshme nga ana e Vorës. Devijimi i trafikut do të jetë sipas sinjalistikës provizore të vendosur në segmentin, ku do të punohet si dhe udhëzimet e policisë./abcnews.al
